Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ulla fides, reducem patriae potuisse referri'.
  2. Talibus attonitos dictis natamque patremque
  3. linquit et infida[*](infida M 2, infidi V ) praeceps prorumpit ab aula.
  4. at trepida et medios inter deserta parentes
  5. virgo silet nec fixa solo servare parumper
  6. lumina nee potuit maestos non flectere vultus
  7. respexitque fores et adhuc invenit euntem,
  8. visus et heu miserae tunc pulchrior hospes amanti
    9. p.162
  9. discedens: tales umeros, ea terga relinquit.
  10. illa domum atque ipsos paulum procedere postes
  11. optat et[*](et V, at Burmann ) ardentes tenet intra limina gressus.
  12. qualis ubi extremas Io vaga sentit harenas
  13. fertque refertque[*](refertque Bon. 1, referque V ) pedem, tumido quam cogit Erinys
  14. ire maria Phariaeque vocant trans aequora matres:
  15. circuit haut aliter foribusque impendet apertis,
  16. an melior Minyas revocet pater; oraque quaerens[*](quaerens M, quaeres V )
  17. hospitis aut solo maeret defecta cubili
  18. aut venit in carae gremium refugitque sororis
  19. atque loqui conata silet, rursusque recedens
  20. quaerit, ut Aeaeis[*](Aet(h)aeis C ) hospes consederit oris