Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. fert sonitus immota phalanx irasque retentant,
  2. congeries dum prima fluat. stellantia[*](stellantia M 2, stillancia V ) Mopsus
  3. tegmina et ingentem Corythi notat Eurytus umbram.[*](umbram M 2, umbra nunc legitur in V (m fort. plicatura abdita))
  4. restitit ille gradu seseque a lumine ferri
  5. sustinuit, praeceps subitum ceu pastor ad amnem,
  6. spumantem[*](amnem Spumantem SM, amne Spumante V ) nimbis fluctuque arbusta ruentem.
  7. at[*](At C, Et V ) Tydeus 'en intentis quem viribus' inquit
  8. 'opperiar manibusque dari quem comminus optem;
  9. quo steteris moriere loco.' subit ilia[*](subit ilia M, r subtilia V ) cuspis
  10. Olenii;[*](Olenii C, Ochenii V ) dedit ille sonum compressaque mandens
    11. p.59
  11. aequora purpuream singultibus expulit hastam.
  12. ac velut in medio rupes latet horrida ponto,
  13. quam super ignari numquam rexere magistri
  14. praecipites impune rates, sic agmine caeco
  15. incurrit strictis manus ensibus. occubat[*](occubat Bon. 2, occupat V ) Iron
  16. et Cotys et Pyrno melior genitore Bienor.
  17. At[*](At Iunt. 1, Et V ) magis interea diverso turbida motu
  18. urbs agitur. Genyso coniunx amoverat arma;
  19. ast illi subitus ventis vivoque reluxit
  20. torre[*](torre Bon. 1, Terre V ) focus; telis gaudes, miserande, repertis.