Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. cum pecus et profugi sternunt dumeta iuvenci.
  2. Ilicet ad regem clamor ruit. exilit altis[*](altis SM, ab altis V )
  3. somnia dira toris simulacraque pallida linquens[*](linquens SM, liquens V )
  4. Cyzicus. ecce super foribus Bellona reclusis
  5. nuda latus passuque movens orichalca sonoro
  6. adstitit et triplici pulsans fastigia crista
  7. inde ciere[*](inde ciere T Bon. 1, Indiciere V ) virum. sequitur per moenia demens
  8. ille deam et fatis[*](fatis M, fastis V ) extrema in proelia tendit,
  9. qualis in Alciden et Thesea[*](thesea PM 2, these V ) Rhoetus iniqui
  10. nube meri geminam Pholoen maioraque cernens
  11. astra ruit, qualisve redit venatibus actis
  12. lustra pater Triviamque canens umeroque Learchum[*](triuiamque M, triamque V | leaschum V )
  13. advehit, at miserae declinant lumina Thebae.
  14. iamque adeo nec porta ducem nec pone moratur
  15. excubias sortita manus, quae prima furenti[*](furenti V, parenti C )
  16. advolat; hinc alii subeunt, ut proxima quaeque
  17. intremuit domus et motus accepit inanes.
  18. At Minyas anceps fixit pavor; aegra virorum
  19. corda labant, nec quae regio aut discrimina cernunt,
  20. cur galeae[*](galeae SM, galileae V | post hunc versum unum intercidisse vidit Carrio, qui in marg. C cod. a manu primae aequali scriptum invenit versum hostis et exciti dent obuia praelia Colchi) clipeique micent, num pervigil armis