Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- ore facem[*](Ore M 2, Ora V | facem XM, faciem V ) supra, maiorque apparuit ignis.
- Ambrosium Peleus, ingentem Ancaeus Echeclum[*](Echeclum Thilo, echelum V, Ethelum C )
- sternit et elatae propius succedere dextrae
- Telecoonta sinit †delicataque†[*](Teleconta V | delicataque VC, deductaque M 2, duplicataque Heinsius, geminataque Thilo, delataque Schenkl ) ora securi
- disiecit cervice tenus. simul aspera victor
- cingula sublustri vibrantia detrahit umbra,
- 'has, precor, exuvias et opima cadavera' Nestor[*](et opima T, cod. Bon., opima V, o prima C | Nestor Ald., nostro VC )
- 'linquite' ait: 'ferro potius mihi dextera, ferro
- navet opus', prensumque manu detruncat Amastrum 145
- diversasque simul socios[*](socios X 2 PCT, ocios XIII, otios O, otius O 2, ocius M ) invadere[*](desunt in V) turmas
- admonuit. pergunt rupta testudine fusi,
- qua tenebrae campique ferunt. gravis invenit Ochum
- Phlias[*](Phlias NRFT, Pelias SMUC ) et trepido Pollux impingitur Hebro.
- ipse super vultus taboque natantia[*](natantia vel fluentia Heinsius, labantia codd., madentia Friesemann ) terga
- dux campi Martisque potens, ut caeca profundo
- currit hiems, Zelyn et Bronten[*](Zelyn C a, zelen SMNRUC b, zelon F | Bronten Maserius, cf. Apoll. Rhod. 11041, broten codd. ) Abarimque relinquit
- semineces: Glaucum sequitur Glaucumque ruentem
- occupat et iugulo vulnus molitur aperto.[*](uultus m. operto O )
- ille manu contra telum tenet ultima frustra
- verba ciens fixamque videt decrescere cornum.