Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. nec non noster amor—dubium morumne probandus
  2. ingeniine bonis—Latiis aestivat in oris
  3. anne metalliferae repetit iam moenia Lunae
  4. Tyrrhenasque domos? quod si tibi proximus haeret,
  5. non ego nunc vestro procul a sermone recedo;
  6. certum est, inde sonus geminas mihi circuit aures,
  7. sed tu, dum nimio possessa Hyperione flagrat
  8. torva Cleonaei iuba sideris, exue curis
  9. pectus et assiduo temet furare labori,
  10. et sontes operit pharetras arcumque retendit
  11. Parthus et Eleis auriga laboribus actos
  12. Alpheo permulcet equos et nostra fatescit
  13. laxaturque chelys: vires instigat alitque
  14. tempestiva quies, maior post otia virtus!
  15. talis cantata Briseide venit Achilles
  16. acrior et positis erupit in Hectora plectris.
  17. te quoque flammabit tacite repetita parumper
  18. desidia et solitos [*]() novus exultabis in actus,
  19. certe iam Latiae non miscent iurgia leges,
    20. [*](Anienaque s: amenaque M. )[*](solitos s: solidos M and Vollmer. the dog, named Maera, belonged to Icarus, son of Oebalus, king of Sparta, and was made a star after its death. )
  20. et pacem piger annus habet messesque reversae