Silvae
Statius, P. Papinius (Publius Papinius)
Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.
- a media iam morte redit, nec protinus omnes
- terga dedere minae, sicut sibi conscius alti
- vulneris adversum moriens it miles in hostem [*](nunc strata Postgate: monstrata M: constrata s: deposita Clark, who considers monstrata due to iv. 31 above. )[*](tumuere Baehrens: timuere .M. )
- attollitque manum et ferro labente minatur:
- sic piger ille gradu solitoque exutus honore
- firmat hians oculos animamque hostemque requirit.
- Magna tamen subiti tecum solacia leti,
- victe. feres, quod te maesti populusque patresque,
- ceu notus caderes tristi gladiator harena,
- ingemuere mori; magni quod Caesaris ora
- inter tot Scythicas Libycasque, et [*]() litore Rheni
- et Pharia de gente feras, quas perdere vile est,
- unius amissi tetigit iactura leonis.
- Saeve nimis, lacrimis quisquis discrimina ponis
- lugendique modos, miserum est primaeva parenti
- pignora surgentesque—nefas!—accendere natos;
- durum et deserti praerepta coniuge partem