Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. qua tibi tota quies offensaque turbine nullo
  2. nox silet et teneros invitant [*]() murmura somnos?
  3. an quae graminea suscepta crepidine fumant
  4. balnea et impositum ripis algentibus ignem?
  5. duaque vaporiferis iunctus fornacibus amnis
  6. ridet anhelantes vicino flumine nymphas?
  7. Vidi artes veterumque manus variisque metalla
    8. [*](saxeus spumosa M: Slater conj. spumeus saxosa. )[*](fluviumve obstare Pol.: fluviorum optare M. )[*](teneros invitant Lemaire: nigros imitantia (or potis. mutantia) M: pigros Peyraredus: mutantia Postgate. )
  8. viva modis, labor est auri memorare figuras
  9. aut ebur aut dignas digitis contingere gemmas,
  10. quicquid et argento primum, vel in aere minori
  11. lusit et enormes manus est experta colossos.
  12. cum vagor aspectu visusque per omnia duco,
  13. calcabam necopinus opes. nam splendor ab alto
  14. defluus et nitidum referentes aera testae
  15. monstravere solum, varias ubi picta per artes
  16. gaudet humus superatque novis asarota figuris:
  17. expavere gradus.Quid nunc iungentia [*]() mirer
  18. aut quid partitis distantia tecta trichoris?
  19. quid te, quae mediis servata penatibus arbor
  20. tecta per et postes liquidas emergis in auras,