Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. incipit: ‘huncne mihi, superum regnator, honorem,
  2. quod totiens hospesque tuis et conscius actis —
  3. nec memorare timor — falsa nunc improba fronte
  4. cornua, nunc vetitam currus deiungere Phoeben,
  5. dotalesque rogos deceptaque fulmina vidi
  6. praecipuosque alui natorum? an vilis et illis
  7. gratia? ad hunc certe repsit Tirynthius amnem,
  8. hac tibi flagrantem Bromium restinximus unda.
    9. v.2.p.284
  9. aspice, quas fluvio caedes, quae funera portem,
  10. continuus telis alioque adopertus acervo.
  11. omne vadum belli series tenet, omnis anhelat
  12. unda nefas, subterque animae supraque recentes
  13. errant et geminas iungunt caligine ripas.
  14. ille ego clamatus sacris ululatibus amnis,
  15. qui molles thyrsos Baccheaque cornua puro
  16. fonte lavare feror, stipatus caedibus artas
  17. in freta quaero vias; non Strymonos impia tanto
  18. stagna cruore natant, non spumifer altius Hebrus
  19. Gradivo bellante rubet, nee te admonet altrix
  20. unda tuasque manus, iam pridem oblite parentum