Thebais
Statius, P. Papinius (Publius Papinius)
Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.
- aut epulae fecere moram; properatur in hostem
- more fugae, nec monstra tenent, quae plurima nectit
- prodigialc canens certi fors praevia fati.
- quippe serunt diros monitus volucresque feraeque
- sideraque aversique suis decursibus amnes,
- infestumque tonat pater et mala fulgura lucent;
- terrificaeque adytis voces clusaeque deorum
- sponte fores; nunc sanguineus, nunc saxeus imber,
- et subiti manes flentumque occursus avorum,
- tunc et Apollineae tacuere oracula Cirrhae,
- et non adsuetis pernox ululavit Eleusin
- mensibus, et templis Sparte praesaga reclusis
- vidit Amyclaeos — facinus! — concurrere fratres.
- Arcades insanas latrare Lycaonis umbras
- nocte ferunt tacita, saevo decurrere campo
- Oenomaum sua Pisa refert; Aeheloon utroque
- deformem cornu vagus infamabat Acarnan.
- Perseos effigiem maestam exorantque Mycenae [*](levat levat Pio: novat (l. 394) conj. Phillimore: iuvat (l. 396) conj. Imhof, but such repetitions are characteristic.)
- confusum Iunonis ebur; mugire potentem
- Inachon agricolae, gemini maris incola narrat
v.2.p.164