Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. Narcissum, sed Thespiacis iam pallet in agris
  2. trux puer; orbata florem, pater, adluis unda.
  3. quis tibi Phoebeas acies veteremque revolvat
  4. Phocida? qui Panopen, qui Daulida, qui Cyparisson,
  5. et valles, Lebadia, tuas et Hyampolin acri
  6. subnixam scopulo, vel qui Parnasson utrumque
  7. aut Cirrham tauris Anemorianque supinant
  8. Coryciumque nemus, propellentemque Lilaean
  9. Cephisi glaciale caput, quo suetus anhelam
  10. ferre sitim Python amnemque avertere ponto,
  11. omnibus immixtas cono super aspice laurus
  12. armaque vel Tityon vel Delon habentia, vel quas
  13. hic deus innumera laxavit caede pharetras.
  14. Iphitus asper agit, genitor cui nuper ademptus
  15. Naubolus Hippasides, tuus, o mitissime Lai,
  16. hospes; adhuc currus securaque lora tenebam,[*]()
  17. cum tua subter equos iacuit convulsa cruentis
  18. ictibus, o utinam nostro cum sanguine, cervix
  19. !’ Dicenti maduere genae, vultumque per omnem
  20. pallor iit, vocisque repens singultus apertum