Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. fit sonus humanisque pedum tenuisque rotarum.
  2. nulla manu requies, densis insibilat aer
  3. verberibus; gelida non crebrior exsilit Arcto
  4. grando, nec Olentis manant tot cornibus imbres.
    5. v.2.p.92
  5. Senserat adductis alium praesagus Arion
  6. stare ducem loris, dirumque expaverat insons
  7. Oedipodioniden; iam illinc a limine discors
  8. iratusque oneri solito[*]() truculentior ardet.
  9. Inachidae credunt accensum laudibus; ille
  10. aurigam fugit, aurigae furiale minatur
  11. efferus, et campo dominum circumspicit omni.
  12. ante tamen cunctos sequitur longeque secundus
  13. Amphiaraus agit, quem Thessalus aequat eundo
  14. Admetus: iuxta gemini, nunc Euneos ante
  15. et nunc ante Thoas, cedunt vincuntque, nec umquam
  16. ambitiosa pios conlidit gloria fratres.
  17. postremum discrimen erant Chromis asper et asper
  18. Hippodamus, non arte rudes, sed mole tenentur
  19. cornipedum; prior Hippodamus fert ora sequentum,
  20. fert gemitus multaque umeros incenditur aura.