Thebais
Statius, P. Papinius (Publius Papinius)
Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.
- iam nova progenies partusque in vota soluti,
- et non speratis clamatur Lemnos alumnis.
- nec non ipsa tamen thalami monimenta coacti
- enitor geminos, duroque sub hospite mater
- nomen avi renovo; nec quae fortuna relictis
- nosse datur, iam plena quater quinquennia pergunt,
- si modo fata sinunt aluitque rogata Lycaste.
- Detumuere animi-maris, et clementior Auster
- vela vocat: ratis ipsa moram portusque quietos
- odit et adversi [*]() tendit retinacula saxi.
- inde fugam Minyae, sociosque appellat Iason
- efferus, o utinam iam tunc mea litora rectis
- praetervectus aquis, cui non sua pignora cordi,
- non promissa fides; certe stat fama remotis
- gentibus: aequorei redierunt vellera Phrixi.
- ut stata lux pelago venturumque aethera sensit
- Tiphys et occidui rubuere cubilia Phoebi, [*](adversi P: adsueti ω: asserti D. )
- heu iterum gemitus, iterumque novissima nox est.
- vix reserata dies, et iam rate celsus Iason
- ire iubet, primoque ferit dux verbere pontum.
v.2.p.38