Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. impius ignaris nequiquam manibus arcet.
  2. Tu tamen egregius fati mentisque nec umquam—
  3. sic dignum est—passure situm, qui comminus ausus
  4. vadere contemptum reges, quaque ampla veniret
  5. libertas, sancire viam: quo carmine dignam,
  6. quo satis ore tuis famam virtutibus addam,
  7. augur amate deis? non te caelestia frustra
    8. v.1.p.458
  8. edocuit lauruque sua dignatus Apollo est,[*]()
  9. et nemorum Dodona parens Cirrhaeaque virgo
  10. gaudebit [*]() tacito populos suspendere Phoebo.
  11. nunc quoque Tartareo multum divisus Averno
  12. Elysias, i, carpe plagas, ubi manibus axis
  13. invitis Ogygiis nec sontis iniqua tyranni
  14. iussa valent; durant habitus et membra cruentis
  15. inviolata feris, nudoque sub axe iacentem
  16. et nemus et tristis volucrum reverentia servat.
  17. At nuptae exanimes puerique aegrique parentes
  18. moenibus effusi per plana, per avia, passim
  19. quisque suas avidi ad lacrimas miserabile currunt
  20. certamen, quos densa gradu comitantur euntes