Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. vim, noctem; scelus, arma, dolos, ea foedera passum
  2. regis Echionii; fratri sua iura negari,
  3. prona fides populis; deus omnia credere suadet
  4. Armipotens, geminatque acceptos fama pavores.
  5. Utque introgressus portas—et forte verendus
  6. concilio pater ipse duces cogebat Adrastus—
    7. [*](solvit P: sorbet ω. )[*](pectore despecto Pω. despecto pecore, at conj. Garrod: despectus Baehrens. )[*](isse PDN: esse ω (cf. i. 475). )
    v.1.p.476
  7. inprovisus adest, iam illinc a postibus aulae
  8. vociferans: ‘arma, arma viri, tuque optime Lernae
  9. ductor, magnanimum si quis tibi sanguis avorum,
  10. arma para! nusquam pietas, non gentibus aequum
  11. fas aut cura [*]() Iovis; melius legatus adissem
  12. Sauromatas rabidos [*]() servatoremque cruentum
  13. Bebrycii nemoris, nec iussa incuso pigetve
  14. officii: iuvat isse, iuvat, Thebasque nocentes
  15. explorasse manu; bello me, credite, bello,
  16. ceu turrem validam aut artam compagibus urbem,
  17. delecti insidiis instructique omnibus armis
  18. nocte doloque viri nudum ignarumque locorum
  19. nequiquam clausere; iacent in sanguine mixti
  20. ante urbem vacuam, nunc o, nunc tempus in hostes,