Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. conspicui fatis aeternaque gentibus ausi
  2. quaesistis miserae vulnus memorabile matri,
  3. sed mortem obscuram numerandaque [*]() funera passi,
  4. heu quantus furto cruor et sine laude iacetis!
  5. quin ego non dextras miseris complexibus ausim
  6. dividere et tanti consortia rumpere leti:
  7. ite diu fratres indiscretique supremis
  8. ignibus et caros urna confundite manes!’
  9. Nee minus interea digesta strage suorum
  10. hic Cthonium coniunx, hic mater Penthea clamat
  11. Astyoche, puerique rudes, tua, Phaedime, proles,
  12. amissum didicere patrem, Marpessaque pactum
  13. Phyllea, sanguineumque lavant Acamanta sorores,
  14. tune ferro retegunt silvas collisque propinqui
  15. annosum truncant apicem, qui conscius actis
  16. noctis et inspexit gemitus; ibi grandior aevo
  17. ante rogos, dum quisque suo nequit igne revelli,
  18. concilium infaustum dictis mulcebat Aletes:
  19. ‘saepe quidem infelix varioque exercita ludo
  20. fatorum gens nostra fuit,[*]() Sidonius ex quo