Thebais
Statius, P. Papinius (Publius Papinius)
Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.
- ac super haec: ‘abrumpe moras, celeremus! et illum
- adventare ferunt portis.’ sic omnia vicit,
- conreptumque iniecit equo; volat aequore aperto
- pallidus instantemque deae circumspicit umbram.
- Sacra Iovi merito Tyrius pro fulmine ductor
- nequiquam Danaos ratus exarmasse ferebat,
- nec pater aetherius divomque has ullus ad aras,
- sed mala Tisiphone trepidis inserta ministris
- adstat et inferno praevertit vota Tonanti.
- ‘summe deum, tibi namque meae primordia Thebae —
- liveat infandum licet Argos et aspera Iuno —
- debent, Sidonios ex quo per litora raptor
- turbasti thiasos, dignatus virgine nostra [*](tegas Pω: negas Q: neges N (both written over tegas.))
- terga premi et placidas falsum mugire per undas!
- nec te vana fides iterum Cadmeia adeptum
- conubia et Tyrios nimium inrupisse penates:
- tandem, inquam, soceros dilectaque moenia gratus
- respicis adsertorque tonas; ceu regia caeli
- adtemptata tui, sic te pro turribus altis
- vidimus urgentem nubes, laetique benignum
v.2.p.406