Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. obruitur; non ora virum, non pectora flectit
  2. imber atrox, rectosque tenent in moenia voltus
  3. immemores leti et tantum sua tela videntes.
  4. Anthea falcato lustrantem moenia curru
  5. desuper Ogygiae pepulit gravis impetus hastae;
  6. lora excussa manu, retroque in terga volutus
  7. semianimos artus ocreis retinentibus haeret;
  8. mirandum visu belli scelus: arma trahuntur,
  9. fumantesque rotae tellurem et tertius hastae
  10. sulcus arat; longo sequitur vaga pulvere cervix,
  11. et resupinarum patet orbita lata comarum.
    12. [*](trabibusque atque aere Postgate: trabibusque artata ω, trabibus et ariete P: trabibusque aut aere Kohlmann, tr. atque assere duro Owen: fidibusque artata sonoris conj. Garrod.)[*](locantur Bury: locuntur P: legantur S: leguntur ω: teguntur D (with le- written over).)[*](armis ω: orans P.)
    v.2.p.360
  12. At tuba luctificis pulsat clangoribus urbem
  13. obsaeptasque fores sonitu perfringit amaro,
  14. divisere aditus, omnique in limine saevus
  15. signifer, ante omnes sua damna et gaudia portans,
  16. dira intus facies, vix Mavors ipse videndo
  17. gaudeat; insanis lymphatam horroribus urbem
  18. scindunt dissensu vario Luctusque Furorque
  19. et Pavor et caecis Fuga circumfusa tenebris,
  20. bellum intrasse putes: fervent discursibus arces,