Octavia

Seneca, Lucius Annaeus

Pseudo-Seneca, creator; Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. fertur in altum provecta ratis,
  2. quae resoluto robore labens
  3. pressa dehiscit sorbetque mare.
  4. tollitur ingens clamor ad astra
  5. cum femineo mixtus planctu.
  6. mors ante oculos dira vagatur;
  7. quaerit leti sibi quisque fugam:
  8. alii lacerae puppis tabulis
  9. haerent nudi fluctusque secant,
  10. repetunt alii litora nantes;
  11. multos mergunt fata profundo,
  12. scindit vestes Augusta suas
  13. laceratque comas
  14. rigat et maestis fletibus ora.
  15. postquam spes est nulla salutis,
  16. ardens ira, iam victa malis:
  17. 'haec' exclamat 'mihi pro tanto
  18. munere reddis praemia, nate?
  19. hac sum, fateor, digna carina,
  20. quae te genui, quae tibi lucem