Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. mortisque dirae expelle decretum horridum.
Dei.
  1. Quicumque misero forte dissuadet mori,
  2. crudelis ille est: interim poena est mori,
  3. sed saepe donum; pluribus veniae fuit.
Nvt.
  1. Defende saltem dexteram, infelix, tuam
  2. fraudisque facinus esse, non nuptae, sciat.
Dei.
  1. Defendar illic: inferi absolvent ream,
  2. a me ipsa damnor; purget has Pluton manus..
  3. stabo ante ripas immemor, Lethe, tuas
  4. et umbra tristis coniugem excipiam meum.