Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. Quis tam impotens, miseranda, te casus rotat?
Dei.
  1. Vt missa palla est tabe Nessea inlita
  2. thalamisque maerens intuli gressum meis,
  3. nescio quid animus timuit, an fraudem struit?
  4. libet experiri, solibus dirus ferum
  5. flammisque Nessus sanguinem ostendi arcuit:
  6. hic ipse fraudes esse praemonuit dolus.
  7. et forte, nulla nube respersus iubar,
  8. laxabat ardens fervidum Titan diem.
  9. vix ora solvi patitur etiam nunc timor.