Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. quamcumque pressi— pars quota est Perseus mei?
  2. iam vacuus aether non potest odio tuae
  3. sufficere nuptae quasque devincam feras
  4. tellus timet concipere nec monstra invenit.
  5. ferae negantur: Hercules monstri loco
  6. iam coepit esse; quanta enim fregi mala.
  7. quot scelera nudus! quicquid immane obstitit,
  8. solae manus stravere; nec iuvenis feras
  9. timui nec infans, quicquid est iussum, leve est,
  10. nec ulla nobis segnis illuxit dies.