Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. qualis per urbes duxit Argolicas canem,
  2. cum victor Erebi Dite contempto redit
  3. tremente fato, talis incubuit rogo.
  4. quis sic triumphans laetus in curru stetit
  5. victor? quis illo gentibus voltu dedit
  6. leges tyrannus? quanta pax habitum tulit!
  7. haesere lacrimae, cecidit impulsus dolor
  8. nobis quoque ipsis, nemo periturum ingemit:
  9. iam flere pudor est; ipsa quam sexus iubet
  10. maerere,, siccis haesit Alcmene genis