Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. et brevior ilex. alba sed complet rogum
  2. populea silva, frontis Herculeae decus.
  3. at ille, ut ingens nemore sub Nasamonio
  4. aegro reclinis pectore immugit leo,
  5. fertur: quis illum credat ad flammas rapi?
  6. voltus petentis astra, non ignes erat,
  7. ut pressit Oeten ac suis oculis rogum
  8. lustravit omnem, fregit impositus trabes.
  9. arcus poposcit, 'accipe haec' inquit, 'sate
  10. Poeante, dona, hoc munus Alcidae cape.