Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. Iunonis hostis vincor? hinc gravior tibi,
  2. noverca, pudor est. quid diem hunc laetum vocas?
  3. quid tale tellus genuit iratae tibi?
  4. mortalis odia femina excessit tua.
  5. adhuc ferebas esse te Alcidae imparem:
  6. victa es duobus— pudeat irarum deos.
  7. utinam meo cruore satiasset suos
  8. Nemeaea rictus pestis aut centum anguibus
  9. vallatus hydram tabe pavissem mea,
  10. utinam fuissem praeda Centauris datus