Agamemnon

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. germane, vultus veste furabor tuos.
  2. quid, anime demens, refugis? externos times?
  3. domus timenda est. pone iam trepidos metus,
  4. Oresta: amici fida praesidia intuor.
Strophius Electra
  1. Phocide relicta Strophius Elea inclutus
  2. palma revertor. causa veniendi fuit
  3. gratari amico, cuius impulsum manu
  4. cecidit decenni Marte concussum Ilium,
  5. quaenam ista lacrimis lugubrem vultum rigat
  6. pavetque maesta? regium agnosco genus.
  7. Electra, fletus causa quae laeta in domo est?
El.
  1. Pater peremptus scelere materno iacet,
  2. comes paternae quaeritur natus neci,
  3. Aegisthus arces Venere quaesitas tenet.
Str.
  1. O nulla longi temporis felicitas!
El.
  1. Per te parentis memoriam obtestor mei,
  2. per sceptra terris nota, per dubios deos:
  3. recipe hunc Oresten ac pium furtum occule.