Agamemnon

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. cui nunc vagor vaesana? cui bacchor furens?
  2. iam Troia cecidit— falsa quid vates ago?
  3. Vbi sum? fugit lux alma et obscurat genas
  4. nox alta et aether abditus tenebris latet,
  5. sed ecce gemino sole praefulget dies
  6. geminumque duplices Argos attollit domus.
  7. Idaea cerno nemora: fatalis sedet
  8. inter potentes arbiter pastor deas.