Oedipus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. mobilis ordo: multis ipsum
  2. metuisse nocet, multi ad fatum
  3. venere suum dum fata timent.
  4. Sonuere fores atque ipse suum.
  5. duce non ullo molitur iter
  6. luminis orbus.
Oedipus Chorus Iocasta
  1. Bene habet, peractum est: iusta persolvi patri,
  2. iuvant tenebrae, quis deus tandem mihi
  3. placatus atra nube perfundit caput?
  4. quis scelera donat? conscium evasi diem.
  5. nil, parricida, dexterae debes tuae:
  6. lux te refugit, vultus Oedipodam hic decet.
Chor.
  1. En ecce, rapido saeva prosiluit gradu
  2. Iocasta vaecors, qualis attonita et furens
  3. Cadmea mater abstulit gnato caput
  4. sensitque raptum, dubitat afflictum alioqui,
  5. cupit pavetque. iam malis cessit pudor,
  6. set haeret ore prima vox. ioc. Quid te vocem?
  7. gnatumue? dubitas? gnatus es: gnatum pudet?
  8. invite loquere gnate— quo avertis caput