Oedipus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. cornua vidit vultusque feros;
  2. ibi virgineos foverat artus
  3. nimium saevi diva pudoris.
Oedipus Iocasta
  1. C aras revolvit animus et repetit metus,
  2. obisse nostro Laium scelere autumant
  3. superi inferique, sed animus contra innocens
  4. sibique melius quam deis notus negat,
  5. redit memoria tenue per vestigium,
  6. cecidisse nostri stipitis pulsu obvium
  7. datumque Diti cum prior iuvenem senex,
  8. curru superbus, pelleret, Thebis procul
  9. Phocasaea trifidas regio qua scindit vias.
  10. unanima coniunx, explica errores precor:
  11. quae spatia moriens Laius vitae tulit?
  12. primone in aevo viridis an fracto occidit?
Ioc.
  1. Inter senem iuvenemque, sed propior seni.
Oed.
  1. Frequensne turba regium cinxit latus?
Ioc.
  1. Plures fefellit error ancipitis viae,
  2. paucos fidelis curribus iunxit labor.
Oed.
  1. Aliquisne cecidit regio fato comes?