Oedipus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. Sed quo nefandum facinus admissum loco est,
  2. memorate: aperto Marte an insidiis iacet?
Cr.
  1. Frondifera sanctae nemora Castaliae petens
  2. calcavit artis obsitum dumis iter,
  3. trigemina qua se spargit in campos via.
  4. secat una gratum Phocidos Baccho solum,
  5. unde altus arva deserit, caelum petens,
  6. clementer acto colle Parnasos biceps;
  7. at una bimaris Sisyphi terras adit;
  8. Olenia in arva tertius trames cava
  9. convalle serpens tangit errantes aquas