Phaedra

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. nunc facile pectus, grata nunc iuveni Venus:
  2. exultet animus, cur toro viduo iaces?
  3. tristem iuventam solve; nunc cursus rape,
  4. effunde habenas, optimos vitae dies
  5. effluere prohibe, propria descripsit deus
  6. officia et aevum per suos duxit gradus:
  7. laetitia iuvenem, frons decet tristis senem.
  8. quid te coherces et necas rectam indolem?
  9. seges illa magnum fenus agricolae dabit
  10. quaecumque laetis tenera luxuriat satis,
  11. arborque celso vertice evincet nemus
  12. quam non maligna caedit aut resecat" manus:
  13. ingenia melius recta se in laudes ferunt,
  14. si nobilem animum vegeta libertas alit.
  15. truculentus et silvester ac vitae inscius
  16. tristem iuventam Venere deserta coles?
  17. hoc esse munus credis indictum viris,
  18. ut dura tolerent, cursibus domitent equos
  19. et saeva bella Marte sanguineo gerant?
  20. quam varia leti genera mortalem trahunt