Phaedra

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. prodigia totiens orbis insueta audiet,
  2. natura totiens legibus cedet suis,
  3. quotiens amabit Cressa?
Ph.
  1. Quae memoras scio
  2. vera esse, nutrix; sed furor cogit sequi
  3. peiora, vadit animus in praeceps sciens
  4. remeatque frustra sana consilia appetens.
  5. sic cum gravatam navita adversa ratem
  6. propellit unda, cedit in vanum labor
  7. et victa prono puppis aufertur vado.
  8. quid ratio possit? vicit ac regnat furor
  9. potensque tota mente dominatur deus.
  10. hic volucer omni pollet in- terra impotens
  11. ipsumque flammis torret indomitis Iovem;
  12. Gradivus istas belliger sensit faces,
  13. opifex trisulci fulminis sensit deus,
  14. et qui furentis semper Aetnaeis iugis
  15. versat caminos igne tam parvo calet;
  16. ipsumque Phoebum, tela qui nervo regit,
  17. figit sagitta certior missa puer