Phoenissae

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. ferte arma, facibus petite penetrales deos
  2. frugemque flamma metite natalis soli,
  3. miscete cuncta, rapite in exitium omnia,
  4. disicite passim moenia, in planum date,
  5. templis deos obruite, maculatos lares
  6. conflate, ab imo tota considat domus;
  7. urbs concremetur— primus a thalamis meis
  8. incipiat ignis.
Nvnt.
  1. Mitte violentum impetum
  2. doloris ac te publica exorent mala
  3. auctorque placidae liberis pacis veni.
Oedip.
  1. Vides modestae deditum menti senem
  2. placidaeque amantem pacis ad partes vocas?
  3. tumet animus ira, fervet immensus dolor,
  4. maiusque quam quod casus et iuvenum furor
  5. conatur aliquid cupio, non satis est adhuc
  6. civile bellum: frater in fratrem ruat;
  7. nec hoc sat est: quod debet, ut fiat nefas
  8. de more nostro, quod meos deceat toros:
  9. date arma matri, nemo me ex his eruat