Phoenissae

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. diris, scelestis, breviter ut dicam meis?
  2. certant in omne facinus et pensi nihil
  3. ducunt, ubi illos ira praecipites agit,
  4. nefasque nullum per nefas nati putant.
  5. non patris illos tangit afflicti pudor,
  6. non patria: regno pectus attonitum furit.
  7. scio quo ferantur, quanta moliri parent,
  8. ideoque leti quaero maturi viam
  9. morique propero, dum in domo nemo est mea
  10. nocentior me. nata, quid genibus meis
  11. fles advoluta? quid prece indomitum domas?