Phoenissae

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. quid simile posuit? quid tam inextricabile?
  2. avi gener patrisque rivalis sui,
  3. frater suorum liberum et fratrum parens;
  4. uno avia partu liberos peperit viro,
  5. sibi et nepotes, monstra quis tanta explicat?
  6. ego ipse, victae spolia qui Sphingis tuli,
  7. haerebo fati tardus interpres mei.
  8. *---
  9. quid perdis ultra verba? quid pectus ferum
  10. mollire temptas precibus? hoc animo sedet
  11. effundere hanc cum morte luctantem diu