Troades Furens

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. Priami nepos Hectoreus et letum oppetat.
  2. tum mille velis impleat classis freta.
p.64
Chorus
  1. Verum est an timidos fabula decipit
  2. umbras corporibus vivere conditis,
  3. cum coniunx oculis imposuit manum
  4. supremusque dies solibus obstitit
  5. et tristis cineres urna cohercuit?
  6. non prodest animam tradere funeri,
  7. sed restat miseris vivere longius?
  8. an toti morimur nullaque pars manet
  9. nostri, cum profugo spiritus halitu
  10. immixtus nebulis cessit in aera
  11. et nudum tetigit subdita fax latus?
  12. Quicquid sol oriens, quicquid et occidens
  13. novit, caeruleis Oceanus fretis
  14. quicquid bis veniens et fugiens lavat, ,
  15. aetas Pegaseo corripiet gradu.
  16. quo bis sena volant sidera turbine,
  17. quo cursu properat volvere saecula
  18. astrorum dominus, quo properat modo