Troades Furens

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. aurea dextra vincula gestans
  2. latis fiet pompa Mycenis.
Chor.
  1. Felix Priamus dicimus omnes:
  2. secum excedens sua regna tulit;
  3. nunc Elysii nemoris tutis
  4. errat in umbris interque pias
  5. felix animas Hectora quaerit.
  6. felix Priamus,
  7. felix quisquis bello moriens
  8. omnia secum consumpta tulit.
Talthybius Chorus
  1. O longa Danais semper in portu mora,
  2. seu petere bellum, petere seu patriam volunt.
Chor.
  1. Quae causa ratibus faciat et Danais moram,
  2. effare, reduces quis deus claudat vias.
Tal.
  1. Pavet animus, artus horridus quassat tremor,
  2. maiora veris monstra (vix capiunt fidem)
  3. vidi ipse, vidi. summa iam Titan iuga
  4. stringebat ortu, vicerat noctem dies,
  5. cum subito caeco terra mugitu fremens
  6. concussa totos traxit ex imo sinus;