Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Aesopo quidam scripta recitarat mala,
  2. In quis inepte multum se iactaverat.
  3. Scire ergo cupiens quidnam sentiret senex,
  4. Numquid tibi inquit visus sum superbior?
  5. Haud vana nobis ingeni fiducia est.
  6. Confectus ille pessimo volumine:
  7. Ego inquit quod te laudas vehementer probo,
  8. Namque hoc ab alio numquam continget tibi.
  1. Magni Pompei miles vasti corporis
  2. Fracte loquendo et ambulando molliter
  3. Famam cinaedi traxerat certissimam.
  4. Hic insidiatus nocte iumentis ducis,
  5. Cum veste et auro et magno argenti pondere
  6. Avertit mulos. Factum rumor dissipat;
  7. Arguitur miles, rapitur in praetorium.
  8. Tum Magnus: Quid ais? tune me, commilito,
  9. Spoliare es ausus? Ille continuo exscreat