Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Cum blandiretur iuveni meretrix perfida,
- Et ille laesus multis saepe iniuriis
- Tamen praeberet sese facilem mulieri,
- Sic insidiatrix: Omnes muneribus licet
- Contendant, ego te plurimi facio tamen.
- Iuvenis recordans quotiens deceptus foret:
- Libenter, inquit, mea lux, hanc vocem audio,
- Non quod fidelis, sed quod iucunda est mihi.
- Canes effugere cum iam non possit fiber,
- (Graeci loquaces quem dixerunt castorem