Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Pastor capellae cornu baculo fregerat:
- Rogare coepit ne se domino proderet.
- Quamvis indigne laesa, reticebo tamen;
- Sed res clamabit ipsa quid deliqueris.
- Serpens lacertam forte aversam prenderat;
- Quam devorare patula cum vellet gula,
- Arripuit illa prope iacentem surculum,
- Et pertinaci morsu transversum tenens,
- Avidum sollerti rictum frenavit mora.
- Praedam dimisit ore serpens irritam.
- Odiosa cornix super ovem consederat;
- Quam dorso cum tulisset invita et diu: