Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Ullius essem culpae mihi si conscius,
  2. Aequo animo ferrem; numquam sum factus satur
  3. Et super infelix saevum patior dominium.
  4. Has propter causas et quas longum est promere,
  5. Abire destinavi quo tulerint pedes.
  6. Ergo inquit audi: cum mali nil feceris,
  7. Haec experiris, ut refers, incommoda;
  8. Quid si peccaris? quae te passurum putas?
  9. Tali consilio est a fuga deterritus.