Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Parum ampla in urbe visa quod fuerat domus.
  2. Pompa explicatur, turba concurrit frequens,
  3. Et coniugalem praebet Hymenaeus facem.
  4. Asellus autem, qui solebat pauperi
  5. Quaestum referre, stabat portae in limine.
  6. Illum puellae casu conducunt suae,
  7. Viae labores teneros ne laedant pedes.
  8. Repente caelum, Veneris misericordia,
  9. Ventis movetur, intonat mundi fragor
  10. Noctemque densis horridam nimbis parat:
  11. Lux rapitur oculis et simul vis grandinis
  12. Effusa trepidos passim comites dissipat,
  13. Sibi quemque cogens petere praesidium fuga.