Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Aesopi nomen sicubi interposuero,
- Cui reddidi iam pridem quicquid debui,
- Auctoritatis esse scito gratia:
- Ut quidam artifices nostro faciunt saeculo,
- Qui pretium operibus maius inveniunt novis,
- Si marmori ascripserunt Praxitelen suo,
- Trito Myronem argento, tabulae Zeuxidem.
- Adeo fucatae plus vetustati favet
- Invidia mordax quam bonis praesentibus.