Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Arripuit insolentem sibi fiduciam,
  2. Facile ad derisum stulta levitas ducitur.
  3. Princeps tibicen notior paulo fuit,
  4. Operam Bathyllo solitus in scaena dare.
  5. Is forte ludis (non satis memini quibus)
  6. Dum pegma rapitur, concidit casu gravi
  7. Nec opinans, et sinistram fregit tibiam,
  8. Duas cum dextras maluisset perdere.
  9. Inter manus sublatus et multum gemens
  10. Domum refertur. Aliquot menses transeunt,
  11. Ad sanitatem dum venit curatio.
  12. Ut spectatorum mos est et lepidum genus,
  13. Desiderari coepit, cuius flatibus
  14. Solebat excitari saltantis vigor.
  15. Erat facturus ludos quidam nobilis,
  16. Et incipiebat a se Princeps ingredi:
  17. Reducem tum adducit prece, pretio ut tantummodo
  18. Ipso ludorum ostenderet sese die.
  19. Qui simul advenit, rumor de tibicine