Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Pervellit aurem vero, quem celaverat,
- Et cum dolore vocem naturae exprimit.
- Acclamat populus scurram multo similius
- Imitatum, et cogit rusticum trudi foras.
- At ille profert ipsum porcellum e sinu,
- Turpemque aperto pignore errorem probans:
- En hic declarat quales sitis iudices!