Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Scio quam virtuti non sit credendum tuae.
- Illi assignari debet haec narratio
- Qui re secunda fortis est, dubia fugax.
- Calvi momordit musca nudatum caput;
- Quam opprimere captans alapam sibi duxit gravem.
- Tunc illa irridens: Punctum volucris parvulae
- Voluisti morte ulcisci; quid facies tibi,
- Iniuriae qui addideris contumeliam?
- Respondit: Mecum facile redeo in gratiam,
- Quia non fuisse mentem laedendi scio.