Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Adversus omnes fortis veloces feras
  2. Canis cum domino semper fecisset satis,
  3. Languere coepit annis ingravantibus.
  4. Aliquando obiectus hispidi pugnae suis
  5. Arripuit aurem, sed cariosis dentibus
  6. Praedam dimisit. Hic tunc venator dolens
  7. Canem obiurgabat. Cui latrans contra senex:
  8. Non te destituit animus, sed vires meae.
  9. Quod fuimus laudas, si iam damnas quod sumus.
  10. Hoc cur, Philete, scripserim, pulchre vides.