Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Aegre recepti tamen evaserunt necem.
- Duces eorum, qui capitibus cornua
- Suis ligarant, ut conspicuum in proelio
- Haberent signum quod sequerentur milites,
- Haesere in portis suntque capti ab hostibus;
- Quos immolatos victor avidis dentibus
- Capacis alvi mersit tartareo specu.
- Quemcumque populum tristis eventus premit,
- Periclitatur magnitudo principum;
- Minuta plebes facili praesidio latet.
- Tu qui, nasute, scripta destringis mea
- Et hoc iocorum legere fastidis genus,
- Parva libellum sustine patientia,
- Severitatem frontis dum placo tuae
- Et in cothurnis prodit Aesopus novis.
- Utinam nec umquam Pelii nemoris iugo
- Pinus bipenni concidisset Thessala,
- Nec ad professae mortis audacem viam
- Fabricasset Argus opere Palladio ratem,
- Inhospitalis prima quae ponti sinus