Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Quemcumque populum tristis eventus premit,
  2. Periclitatur magnitudo principum;
  3. Minuta plebes facili praesidio latet.
  1. Tu qui, nasute, scripta destringis mea
  2. Et hoc iocorum legere fastidis genus,
  3. Parva libellum sustine patientia,
  4. Severitatem frontis dum placo tuae
  5. Et in cothurnis prodit Aesopus novis.
  6. Utinam nec umquam Pelii nemoris iugo
  7. Pinus bipenni concidisset Thessala,
  8. Nec ad professae mortis audacem viam
  9. Fabricasset Argus opere Palladio ratem,