Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Quo pacto non possideant, quod fuerit datum,
- Fructumve capiant; deinde quae tulerint nihil,
- Quanam ratione conferant pecuniam.
- Postquam consumpta est temporis longi mora,
- Nec testamenti potuit sensus colligi,
- Fidem advocavit iure neglecto parens.
- Seponit moechae vestem, mundum muliebrem,
- Lavationem argenteam, eunuchos, glabros;
- Lanificae agellos, pecora, villam, operarios,
- Boves, iumenta et instrumentum rusticum;
- Potrici plenam antiquis apothecam cadis,
- Domum politam et delicatos hortulos.
- Sic destinata dare cum vellet singulis
- Et approbaret populus, qui illas noverat,