Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Hic litterarum quidam studio deditus,
  2. Simonidis qui saepe versus legerat
  3. Eratque absentis admirator maximus,
  4. Sermone ab ipso cognitum cupidissime
  5. Ad se recepit; veste, nummis, familia
  6. Hominem exornavit. Ceteri tabulam suam
  7. Portant rogantes victum. Quos casu obvios
  8. Simonides ut vidit: Dixi, inquit, mea
  9. Mecum esse cuncta; vos quod rapuistis perit.